أحببت أن أدخل الفرحة على قلوبكم ، واخترت لكم هذه المرة نكت على الكيف
على فكرة اللهجة كانت عامية في معظم النكت .

1- أربع حماصنة حرابيق طالعين بتكسي والشوفير كمان حمصي, بدّهن يأكلوا الأجرة على الشوفير قام اتفقوا أنو ينزلوا بسرعة بس توقف السيارة وفعلا وقفت السيارة قام فتحوا الأبواب بسرعة واشتغل الركض رجليهم تدق بضهرهم من السرعة وفاتوا ببناية عالعظم وطلعوا أول طابق....ثاني طابق....ثالث.....هيك حتى وصلو لأخر طابق لزقوا بالحيطان ولا حِس ولا نفس ، بعدين واحد منهم قال للجنبو وقال له : يا ترى شو صار بالشوفير؟؟؟ قال له: لك إنا الشوفير بس قلي شو القصة؟!

2- فيه عجوز حمصيه طبّوا عليها حراميه وسرقو التلفزيون ، قامت لحقتهم ركض عشان تعطيهم الريموت كنترول .

3- ألقت الشرطة السعودية القبض على مجموعة من الحماصنة في الرياض عندما اكتشفت أنهم يصلون الجمعة يوم الأربعاء

4- كان في حمصي وهو ماشي انشقت شحاطته قام راح خيطها عند الكندرجي بعد أسبوع شافها تحسنت قام فك الخياطة .

5- حمصي فـتـح حـسـاب فـي الـبـنـك ... اعـطـوه بـطـاقـة صـراف الـكـتـرونـي ... راح غــلـّـفـهـا
6- حمصي يقول لأبوه: بابا، بدّي أكمل دراستي برّا ...
قال له أبوه: ما عندي مشكلة يابابا، هلأ بخلـّي أمك تفرشلك بالجنينة، بس انتبه من البرد

7- وحدة حمصيه ضاعت شنطتها راحت تبلغ الشرطه قالولها ولا يهمك روحي البيت و إحنا بنطلع الشنطة من تحت الأرض ، وهي رايحه شافت بالشارع عمال البلدية يحفرو، قالت لهم: شدّوا حيلكم يا شباب، الشنطة لونها بني .

8- مرة واحد وجعه ضرسه قام راح إلى طبيب حمصي وقال للدكتور: مشان الله يا دكتور هالضرس عذبني كتير شوف حل مع هالضرس، قام الدكتور خلع كل أسنانه عدا الضرس المنخور، صُعق المريض وقال له شو عملت ؟ قاله له الدكتور: إيه، خليه مثل الدب

ههههههههه
مشكووور جدا جدا على الفرحة التي زرعتها على وجوهنا أدامها الله عليك وعلى كافة الاخوة

يعطيك العافية أخي محمد على النكت الرائعة

وهي أحلى شي
4- كان في حمصي وهو ماشي انشقت شحاطته قام راح خيطها عند الكندرجي بعد أسبوع شافها تحسنت قام فك الخياطة .

أشكركم أخوتي على مروركم على موضوعي